当前位置:主页 > 活动动态 >

文章标题:裹蒸唔叫粽

发布时间: 2021-11-24

  早几日同几个朋友饮茶,因为挨近端午,就点咗个咸肉粽应下节。其中一个外地朋友问:广东最出名系什么粽子?当时有人答:肇庆裹蒸粽。相信唔少人都同意呢个答案吧?

  严格嚟讲,呢个答案唔系几啱嘅,因为肇庆裹蒸系出名,但佢唔叫“粽”,并且同端午节冇乜关系,唔属端午粽。

  肇庆裹蒸系当地特产,人称“茶点王”,据讲最早系古代皇帝贡品。《南史》就曾咁记载:南北朝齐明帝吃裹蒸趣事:“太宫进御食。有裹蒸,帝十字画之,曰:可片破之,余充晚食。”咁表明裹蒸喺当时已成“贡品”,同端午节无关。

  事实上,肇庆裹蒸同端午粽系有好大区别:一,包嘅叶唔同,裹蒸系用当地特有嘅冬叶包,而端午粽一般系用芒叶、竹叶;二,外形唔同,裹蒸系枕头或金字塔形状,一个有成斤重,而端午粽系四面三角形居多,最大唔超过半斤;三,馅料唔同:肇庆裹蒸剩系用糯米、绿豆、肥猪肉,而端午粽嘅馅料就五花八门,比较杂。